Urwanda rwiteguye kuganira n’Uburundi kuri FDLR inyuma y’ibibazo burimwo
Umushikiranganji w’imigenderanire y’Urwanda n’ayandi makungu, Louise Mushikiwabo yamenyesheje ko mu gihe cose Uburundi buzoba bwavuye mu bibazo vya poritike bibwugarije muri iyi minsi, Urwanda rwiteguye kuganira nabwo ku kibazo c’aba FDLR bivugwa ko bajabutse umupaka wa Repubulika Iharanira Demokarasi ya Congo, bakerekeza mu Burundi.
Umushikiranganji Mushikiwabo yabivuze kuri uwu wa kane, inyuma y’itangazo rya Reta y’Uburundi rivuga ko ataba FDLR bigeze baba ku butaka bw’Uburundi kandi ko batazigera bahaba.
Abarwanyi ba FDLR batangiye ibikorwa vyabo mu mwaka w’2000, bakaba bagirizwa kuba bagizwe ahanini n’abakoze ihonyabwoko ryakorewe Abatutsi mu 1994, Urwanda.
Mu kiganiro yagiranye n’ikinyamakuru The EastAfrican, umushikiranganji w’imigenderanire y’Urwanda n’ayandi makungu akaba n’umuvugizi wa Reta y’Urwanda, Louise Mushikiwabo, yavuze ko Uburundi ubu buri mu bibazo, arico gituma ivyo bihugu bitoja muvyo kwagirizanya.
Yagize ati : “Nk’uko nigeze kubivuga, dushaka kuganira nabo umunsi igihugu cyasubiye ku murongo. Twagaragaje icyo kibazo na mbere y’uko ibiri mu Burundi bitangira. Nibamara gushyira ibibazo byabo ku murongo, tuzabegera n’icyo tukiganireho (FDLR).”
Yabandanije agira ati : “Ntabwo dushaka kubongerera umuzigo. Tuzagira umwanya wo kuganira ibyo bibazo.”
Mu kiganiro aheruka kugirana n’ikinyamakuru co mu Budagi, Die Tageszeitung, umushikiranganji Mushikiwabo yavuze ko igihe ibibazo vya poritike mu Burundi vyatangura, abarwanyi ba FDLR bajabutse umupaka bava muri Kivu y’Amaja Epfo, bakerekeza mu Burundi.
Uburundi bwo buvuga ko Urwanda ata bimenyetso bifadika bwagaragaje vyerekana ko abo barwanyi bari ku butaka bwabwo, kandi ko n’icegeranyo c’abahinga b’inama mpuzamakungu y’ibihugu vy’akarere k’ibiyaga bigari, CIRGL cashizwe ahabona cerekanye ko abo barwanyi atabari mu Burundi.
Ahubwo Uburundi bwagiriza Urwanda kugira uruhara mu guteza umutekano muke muri ico gihugu, ndetse ko hari Abanyarwanda bafatirwa mu Burundi bafise uruhara mu ngwano ziberayo.
Umushikiranganji w’imigenderanire y’Urwanda n’ayandi makungu, Louise Mushikiwabo yamenyesheje ko mu gihe cose Uburundi buzoba bwavuye mu bibazo vya poritike bibwugarije muri iyi minsi, Urwanda rwiteguye kuganira nabwo ku kibazo c’aba FDLR bivugwa ko bajabutse umupaka wa Repubulika Iharanira Demokarasi ya Congo, bakerekeza mu Burundi.
Umushikiranganji Mushikiwabo yabivuze kuri uwu wa kane, inyuma y’itangazo rya Reta y’Uburundi rivuga ko ataba FDLR bigeze baba ku butaka bw’Uburundi kandi ko batazigera bahaba.
Abarwanyi ba FDLR batangiye ibikorwa vyabo mu mwaka w’2000, bakaba bagirizwa kuba bagizwe ahanini n’abakoze ihonyabwoko ryakorewe Abatutsi mu 1994, Urwanda.
Mu kiganiro yagiranye n’ikinyamakuru The EastAfrican, umushikiranganji w’imigenderanire y’Urwanda n’ayandi makungu akaba n’umuvugizi wa Reta y’Urwanda, Louise Mushikiwabo, yavuze ko Uburundi ubu buri mu bibazo, arico gituma ivyo bihugu bitoja muvyo kwagirizanya.
Yagize ati : “Nk’uko nigeze kubivuga, dushaka kuganira nabo umunsi igihugu cyasubiye ku murongo. Twagaragaje icyo kibazo na mbere y’uko ibiri mu Burundi bitangira. Nibamara gushyira ibibazo byabo ku murongo, tuzabegera n’icyo tukiganireho (FDLR).”
Yabandanije agira ati : “Ntabwo dushaka kubongerera umuzigo. Tuzagira umwanya wo kuganira ibyo bibazo.”
Mu kiganiro aheruka kugirana n’ikinyamakuru co mu Budagi, Die Tageszeitung, umushikiranganji Mushikiwabo yavuze ko igihe ibibazo vya poritike mu Burundi vyatangura, abarwanyi ba FDLR bajabutse umupaka bava muri Kivu y’Amaja Epfo, bakerekeza mu Burundi.
Uburundi bwo buvuga ko Urwanda ata bimenyetso bifadika bwagaragaje vyerekana ko abo barwanyi bari ku butaka bwabwo, kandi ko n’icegeranyo c’abahinga b’inama mpuzamakungu y’ibihugu vy’akarere k’ibiyaga bigari, CIRGL cashizwe ahabona cerekanye ko abo barwanyi atabari mu Burundi.
Ahubwo Uburundi bwagiriza Urwanda kugira uruhara mu guteza umutekano muke muri ico gihugu, ndetse ko hari Abanyarwanda bafatirwa mu Burundi bafise uruhara mu ngwano ziberayo.