Ibibi ingoma kirimbuzi y’agatsiko ka FPR iyobowe na Perezida Kagame ikorera rubanda bizwi neza n’abaturage bo mu bihugu bihana imbibi n’u Rwanda. Bimaze kugera ku rwego rw’uko abaperezida b’abacancuro nka Joseph Kabila Kabange na Yoweli Kaguta Museveni bashaka gushoza mu bihugu byabo imvururu zigamije gusahurira mu nduru bifashisha ingabo za Kagame zitarangwa n’impuhwe na mba.
Iyicarubozo no kwicwa unizwe cyangwa ushyizwe mu igunira ni ibintu biteye inkeke bikorerwa umunyarwanda wese udasangiye ingengabitekerezo ya kirimbuzi na FPR. Leta ya Kagame irangwa n’itonesha, ivangura ry’amoko no kudakorera mu mucyo. Abategetsi bayo bo mu nzego zo hejuru bakoresha ububasha bwabo bishongora ku baturage kandi barangwa n’ubugome buhanitse.
Hari n’ibindi bibi byinshi bakorera abaturage nko kubasambanya ku gahato, kubacuza utwabo, imisoro y’ikirenga…
Nyamara n’ubwo ibyo byose biriho, itangazamakuru rya Kigali ryo rivuga ko Leta ya Kagame ari nziza 100%!
Gloire Rukika
