Abantu bitwaje imihoro n’amashoka bishe abantu 16 mu burasirazuba bwa Republika Iharanira Demokarasi ya Congo.
Abayobozi baravuga ko ubwo bwicanyi bwabereye i Beni mu ijoro ryakeye.
Abakoze ubwo bwicanyi ntibaramenyekana, ariko abanyamakuru baravuga ko bishoboka ko ari abarwanyi b’umutwe wa ADF NALU ukorera muri ako karere.
Uwo mutwe ukomoka muri Uganda, ariko ukorera cyane cyane muri Congo.
Imiryango idaharanira inyungu iravuga ko abantu bagera ku 1000 bamaze kwicwa n’imitwe y’abitwaje intwaro i Beni no mu turere tuheregeye mu myaka 2 ishize.