Kwa Kagame ntabyo kurenzaho bibaho. Murebe uko yakiriye umwami Kigeli

Nyuma y’imyaka irenga 50 mu buhungiro ndetse akaza gutangirayo, Umugogo w’umwami Kigeli V Ndahindurwa wagejejwe mu Rwanda kugira ngo atabarizwe/ashyingurwe mu cyubahiro. Wageze i Kanombe ahagana saa saba z’amanywa.

Bacye cyane mubo mu muryango wa Kigeli nibo baje kwakira umugogo we. Minisitiri w’umuco na Siporo Uwacu Julienne yagaragaye mu baje kwakira umugogo w’umwami.

Ubu, umugogo we ukaba wajyanwe ku bitaro byiriwe umwami Faisal, mu gihe gahitegerejwe gahunda zo kumutabariza mu cyubahiro.

Ni nyuma y’uko urukiko rwo muri Leta Zunze Ubumwe za America rufashe umwanzuro ku kibzo cyari cyajyanywe mu nkiko hagati y’abafuzaga ko atabarizwa mu Rwanda barimo na mushikiwe Mukabayojo, n’abifuzaga ko atabarizwa muri America barimo Benzige wabaye umujyanama we igihe kinini, rukemeza ko acyurwa mu gihugu cye.

Dr James Mvuningoma uwungirije Intebe y’Inteko mu Nteko y’Ururimi n’umuco yavuze ko ari amahirwe kuba uwahoze ari  Umwami w’u Rwanda umugogo we utashye mu Rwanda.

Ati “Nk’uko mwabibonye mwarebye umuryango we bose bashyize amaboko hamwe, Leta y’u Rwanda yabafashe mu mugongo bihagije, intumwa z’igihugu zari zihari, n’inshuti z’umuryango we murumva rero ni ibyishimo nk’abanyarwanda byo kuvuga ngo {nibura} aratashye.”

Dr James Mvuningoma avuga ko umugogo w’Umwami bawujyanye aho uba uruhukiye maze bagategura imihango yo kumutabariza izamenyeshwa mu minsi iri imbere kuko bigiye gutegurwa n’umuryango we.

Abasobanukiwe amateka, ndetse n’ababaye hafi y’umwami bifuzaga ko atabrizwa mu Rwanda bavuze ko byari kuba ari amahano iyo adatabarizwa mu Rwanda.

Kigeli V Ndahindurwa yatanze tariki 16 Ukwakira 2016, gusa imihango yo kumutabariza ikomeza gutinzwa n’impaka z’abashakaga ko atabarizwa mu Rwanda n’abatarabishakaga.

Isanduku y'umugoro w'Umwami yinjizwa mu modoka

Isanduku y’umugoro w’Umwami yinjizwa mu modoka

Bamwe mu bo mu muryango we bategereje ko umugogo wa Kigeli usohoka mu kibuga cy'indege

Bamwe mu bo mu muryango we bategereje ko umugogo wa Kigeli usohoka mu kibuga cy’indege

Baje kwakira umugogo wa Kigeli

Baje kwakira umugogo wa Kigeli

Imodoka yari itwaye umurambo wa Jean Bapstiste Ndahindurwa

Imodoka yari itwaye umurambo wa Jean Bapstiste Ndahindurwa

Waherekejwe na Police y'u Rwanda

Waherekejwe na Police y’u Rwanda

Dr James Vuningoma avuga ko ari ibyishimo ko {nibura} umugogo w'Umwami Kigeli utashye mu Rwanda

Dr James Vuningoma avuga ko ari ibyishimo ko {nibura} umugogo w’Umwami Kigeli utashye mu Rwanda kuko bitari kuba ari byiza ko atabarizwa mu mahanga

Werekezwa ku bitaro byitiriwe Umwami Faisal

Werekezwa ku bitaro byitiriwe Umwami Faisal

Photos©Daddy Sadiki RUBANGURA/UMUSEKE