Kagame arongeye akoze hasi : akomeje kwica abaturage b’inzirakarengane!

Nguwo Musabyimana Augustin wiciwe kuri CID aho yari amaze iminsi ibiri gusa afungiwe. Yishwe urwagashinyagur ku cyumweru, kuwa mbere batuma ku muryango we ngo uze gutora umurambo, ngo nyakwigendera yimanatse !

Kagame agiye kumara abaturage abica !

Nta munsi w’ubusa FPR imena amaraso y’abaturage buri munsi . Wagira ngo hari umupfumu wabaraguriye ko batagomba kurara batamennye amaraso y’abanyarwanda. Wagira ngo niryo funguro ryabo rya mu gitondo saa sita na nimugoroba! Mu by’ukuri Inkotanyi ni abantu ? Nabo bafite amaraso atukura nk’ayacu ?  Mu gituza cyabo haba umutima(-nama)  cyangwa ni IBUYE riteretsemo ?

Kagame n’Agatsiko ke k’abagizibanabi bazakomeza kwica abaturage babahora ubusa kugeza ryari ? Undi mugabo umwe wishwe bisobanuye izindi mfubyi zigiye mu kangaratete, undi umupfakazi ugiye kubura epfo na ruguru, ababyeyi baririra umwana wabo , abavandimwe bagiye mu cyunamo……Igihugu kiyobowe na Kagame ni igihugu cy’agahinda n’imiborogo birebire ! Gusa uwo bitarageraho agira ngo ntibiriho ariko amaherezo bizashyira bimugereho.

Banyarwandakazi, banyarwanda muzakanguka ryari ? Dukwiye guhaguruka tugafata Kagamé amaboko , byashoboka tukayazirika , naho ubundi aratumaraho abantu !

Baturage nimudahagurukira kwirwanaho, muzashira uruhongohongo !

Umuhanuzi.