Aba birirwa barya ruswa banasenyera abaturage –> Gitega: Abayobozi 4 barimo na Gitifu beguye , umwe ari mu maboko ya polisi

Karangwa Johnson wari umunyamabanga Nshingwabikorwa w’Umurenge wa Gitega mu karere ka Nyarugenge, yeguye kuri uyu mwanya. Uretse uyu muyobozi w’umurenge, ngo hari abandi 4 bakoraga muri uyu murenge nabo bamaze kwegura ariko umwe muri bo akaba ari mu maboko ya polisi aho akurikiranywe kunyereza imisoro.

Hari amakuru agera ku kinyamakuru Ukwezi.com avuga ko muri uyu Murenge hari hamaze iminsi harimo ibibazo bijyanye n’imikoranire itari myiza hagati y’abakozi.

Umwe mu bayobozi mu karere ka Nyarugenge utashatse ko imyirondore ye igaragazwa yemeje ko Etat Civil w’uyu murenge wa Gitega ari mu maboko ya Polisi aho akekwaho kunyereza amafaranga ava mu misoro.

Kayisime Nzaramba, Umuyobozi w’akarere ka Nyarugenge mu kiganiro yagiranye n’ikinyamakuru Ukwezi.com yahamije ko nk’ubuyobozi bw’akarere bakiriye ubwegure bw’uyu Gitifu ndetse bakaba barimo gukora isuzuma ngo barebe niba ntayindi mpamvu ibyihishe inyuma hanarebwe ugomba kuzamusimbura kuri uyu mwanya.


Karangwa Johnson wari Umunyamabanga Nshingwabikorwa w’Umurenge wa Gitega

Umurenge wa Gitega kuri ubu nta muyobozi ufite nyuma yo kwegura k’uwahoze ari Gitifu